டெல்லியில் கடும் பனி: விமானப் போக்குவரத்து பாதிப்பு

தலைநகர் டெல்லியில் இன்று காலை கடும் பனிமூட்டம் காணப்பட்டதால் இந்திரா காந்தி சர்வதேச விமானநிலையத்தில் விமானப் போக்குவரத்து ஸ்தம்பித்தது.

பனி மூட்டம் காரணமாக 4 சர்வதேச விமானங்கள் உட்பட 35 விமானங்கள் காலதாமதமாக புறப்பட்டுச் சென்றதாகவும், பிற நகரங்களில் இருந்து டெல்லி வர வேண்டிய 3 விமானங்கள் மும்பைக்கு திருப்பி விடப்பட்டதாகவும் விமான நிலைய அதிகாரிகள் தெரிவித்துள்ளனர்.

ஜெட் ஏர்வேஸ் நிறுவனத்தைச் சேர்ந்த 2 விமானங்களும், கோ-ஏர் நிறுவனத்தைச் சேர்ந்த ஒரு விமானமும் ரத்து செய்யப்பட்டுள்ளது.

இதற்கிடையில், பனிமூட்டம் காரணமாக சாலை, ரயில் போக்குவரத்தும் டெல்லியில் பாதிக்கப்பட்டுள்ளதால் மக்களின் இயல்பு வாழ்க்கை பாதிக்கப்பட்டுள்ளது.