மணிப்பூரில் நேற்றிரவு நடந்த இரு வேறு மோதல்களில் தீவிரவாதிகள் என சந்தேகிக்கப்படும் 4 பேரைப் பாதுகாப்புப் படையினர் சுட்டுக் கொன்றுள்ளனர்.
கிழக்கு இம்பால் மாவட்டத்தில் புனால் மாரிங் என்ற இடத்தில் இம்பால் காவலர்களும் அஸ்ஸாம் ரைபிள் படையினரும் இணைந்து மேற்கொண்ட தேடுதல் வேட்டையின்போது 3 தீவிரவாதிகள் சுட்டுக் கொல்லப்பட்டதாகப் பாதுகாப்புப் படையினர் தெரிவித்தனர்.
இந்த மோதல் சிறிது நேரமே நீடித்தது என்று கிழக்கு இம்பால் மாவட்டக் காவல்துறை கண்காணிப்பாளர் ராதேஷ்யாம் கூறினார். கொல்லப்பட்ட தீவிரவாதிகளிடம் இருந்து 9 மி.மீ. ரிவால்வர்கள் இரண்டு, கையெறி குண்டு ஒன்று உள்ளிட்ட ஆயுதங்கள் பறிமுதல் செய்யப்பட்டுள்ளன.
மேற்கு இம்பாலில் அவாங் லெய்கின்தபி என்ற இடத்தில் நடந்த மோதலில் மற்றொரு தீவிரவாதி சுட்டுக்கொல்லப்பட்டுள்ளதாகக் காவலர்கள் தெரிவித்தனர்.
