ஜெய்ப்பூர் தொடர் குண்டுவெடிப்புகள் தொடர்பான வழக்கு விசாரணைக்காக முகமது இயாஸ் என்ற முஸ்லிம் மதகுரு கைது செய்யப்பட்டுள்ளார்.
ராஜஸ்தான் மாநிலம் பரத்பூர் மாவட்டத்தில் உள்ள ஜமா மசூதியைச் சேர்ந்த மதகுரு முகமது இயாஸ், மேல் விசாரணைக்காக சிறப்புப் புலனாய்வுக் குழுவினரால் ஜெய்ப்பூருக்கு கடந்த வெள்ளிக்கிழமை அழைத்துச் செல்லப்பட்டுள்ளார் என்று பரத்பூர் காவல் அதிகாரி ரத்தன் லால் பார்கவா தெரிவித்தார்.
மேலும், முகமது இயாஸ் தங்கியிருந்த இடத்தில் இருந்த கணிணி, செல்ஃபோன், நாட்குறிப்புகள் உள்ளிட்டவற்றையும் காவல் துறையினர் கைப்பற்றியுள்ளனர்.
