ஜெய்ப்பூர் குண்டுவெடிப்பு பற்றி தகவல் கொடுப்பவர்களுக்கு ரூ.10 லட்சம் பரிசு வழங்கப்படும் என்று ராஜஸ்தான் காவல்துறை அறிவித்துள்ளது.
ராஜஸ்தான் தலைநகர் ஜெய்ப்பூரில் கடந்த 13ஆம் தேதி 7 இடங்களில் நடந்த தொடர் குண்டு வெடிப்புச் சம்பவங்களில் 63 பேர் பலியானார்கள்.
குண்டு வைத்ததாக கருதப்படும் தீவிரவாதிகள் 7 பேரின் வரை படங்களையும் ராஜஸ்தான் காவல்துறை வெளியிட்டது. எனினும், குண்டு வைத்த தீவிரவாதிகள் யாரும் இதுவரை கைதாகவில்லை.
இந்த நிலையில், குண்டு வைத்த தீவிரவாதிகள் பற்றி தகவல் தருபவர்களுக்கு ரூ.10 லட்சம் பரிசாக வழங்கப்படும் என்று ராஜஸ்தான் காவல்துறை அறிவித்துள்ளது.
