ஸ்ரீநக‌ரி‌ல் மோத‌ல் : 4 வீரர்கள் ப‌லி! லஸ்கர் பயங்கரவாதி சுட்டுக் கொலை!

ஸ்ரீநகரில் காவல் துறையினருக்கும், பயங்கரவாதிகளுக்கும் இடையே நடந்த மோதலில் 4 வீரர்களும், லஸ்கர்-ஈ-தய்பா இயக்கத்தைச் சேர்ந்த ஒரு பயங்கரவாதியும் கொல்லப்பட்டனர்!

ஸ்ரீநகர் ஹர்வான்-ஹஸ்ரத்பால் நெடுஞ்சாலையில் உள்ள டெல்பால் என்ற இடத்தில் உள்ளூர் காவல் துறையினரும், மத்திய கூடுதல் காவற்படையினரும் கூட்டாக கண்காணிப்புப் பணியில் ஈடுபட்டிருந்தபோது, தாக்குதல் நடத்திய பயங்கரவாதிகளுக்கும், பாதுகாப்புப் படையினருக்கும் இடையே இம்மோதல் ஏற்பட்டதாக செய்திகள் கூறுகின்றன.

இம்மோதலில் காவல் துறையினர் 3 பேரும், மத்திய கூடுதல் காவற்படையைச் சேர்ந்த ஜவான் ஒருவரும் கொல்லப்பட்டதாகவும், துணை ஆய்வாளர் உட்பட 3 பேர் பேர் காயமடைந்ததாகவும் அச்செய்தி கூறுகிறது.

மோதலில் கொல்லப்பட்ட லஸ்கர் பயங்கரவாதியின் பெயர் ·பைசல் என்பதும், அவன் அப்பகுதி லஸ்கர் தளபதி என்பதும் தெரியவந்துள்ளது.

காயங்களுடன் தப்பிச் சென்ற மற்றொரு பயங்கரவாதியை பிடிப்பதற்கான தேடுதல் நடைபெற்று வருவதாகவும் அச்செய்தி கூறுகிறது.