முழுவதும் திட எரிபொருளைக் கொண்டு தயாரிக்கப்பட்ட 700 கி.மீ. முதல் 900 கி.மீ. வரை உள்ள தரை இலக்குகளைத் தாக்கவல்ல அக்னி-1 ஏவுகணை இன்று வெற்றிகரமாக சோதிக்கப்பட்டது!
ஒரிசா கடற்பகுதியில் உள்ள வீலர் தீவிலிருந்து இன்று காலை 10.15 மணிக்கு ஏவப்பட்ட அக்னி-1 ஏவுகணை துல்லியமாக இலக்கை தாக்கி அழித்ததாக பாதுகாப்பு ஆராய்ச்சி மற்றும் மேம்பாட்டுக் கழகம் (DRDO) கூறியுள்ளது.
15 மீட்டர் நீளமும், 12,000 கிலோ எடையும் கொண்ட இந்தியாவிலேயே வடிவமைக்கப்பட்ட அக்னி-1 ஏவுகணை, 1,000 கிலோ எடை கொண்ட அணு ஆயுதத்தை தாங்கிச் சென்று தாக்கவல்லது.
இன்று சோதிக்கப்பட்ட அக்னி-1 ஏவுகணை, முழுவதும் திட எரிபொருளைக் கொண்டு ஏவப்படும் முதல் ஏவுகணை என்பது குறிப்பிடத்தக்கது.
