இலங்கையில் சிறிலங்கா சிறப்பு அதிரடிப் படையினரின் அணி ஒன்றின் மீது தமிழீழ விடுதலைப் புலிகள் நடத்திய தாக்குதலில் சிறப்பு அதிரடிப் படையைச் சேர்ந்த உயரதிகாரி ஒருவர் உட்பட 2 படையினர் கொல்லப்பட்டனர். மேலும் ஒருவர் படுகாயமடைந்தார்.
அம்பாறை மாவட்டத்தில் உகந்தை வனப்பகுதியில் ஊடுருவிய சிறிலங்கா சிறப்பு அதிரடிப் படையினரின் அணி ஒன்றைத் தமிழீழ விடுதலைப் புலிகள் வழிமறித்துத் தாக்கியதில் சிறப்பு அதிரடிப் படையைச் சேர்ந்த உயரதிகாரி ஒருவர் உட்பட 2 படையினர் கொல்லப்பட்டதுடன், ஒருவர் படுகாயமடைந்தார் என்று புலிகள் ஆதரவு இணைய தளமான புதினம் தெரிவிக்கிறது.
செவ்வாய்க்கிழமை முற்பகல் 10.00 மணியளவில் இந்தச் சம்பவம் நடந்ததாகவும், இதையடுத்து அறுகம்பை படை முகாமிற்கு விரைந்து வந்த படையினர் பலியானவர்களையும், காயமடைந்தவரையும் ஹெலிகாப்டரில் ஏற்றிச் சென்றதாக விடுதலைப் புலிகள் தரப்பில் தெரிவிக்கப்பட்டுள்ளதாகவும் இந்தச் செய்தி கூறுகிறது.
