பிரான்ஸின் கிழக்குப் பகுதியில் இத்தாலி நாட்டைச் சேர்ந்த ராணுவ ஹெலிகாப்டர் விபத்துக்குள்ளானதில் அதில் பயணம் சேய்த 8 ராணுவ வீரர்களும் உயிரிழந்ததாக அதிகாரிகள் தெரிவித்துள்ளனர்.
பிரான்ஸின் ஐஸ்லி-யென்-பரோரிஸ் நகருக்கு அருகே நேற்று மாலை 4.30 மணியளவில் (இந்திய நேரப்படி இரவு 8 மணி) இந்த விபத்து நடைபெற்றதாகவும், எனினும் விபத்துப் பகுதியில் குடியிருப்புகள் இல்லாததால் பெரும் சேதம் ஏற்படவில்லை என்றும் பிரான்ஸ் மண்டல அதிகாரிகள் தெரிவித்துள்ளனர்.
விபத்துக்குள்ளான ஹெலிகாப்டர் சிகோர்ஸ்கி ஹெச்.ஹெச் 3 எஃப் பெலிகான் ரகத்தை சேர்ந்தது என்றும், பிரான்ஸ் ராணுவத்துடன் அந்த ஹெலிகாப்டர் பயிற்சியில் ஈடுபட்டிருந்ததாகவும் இத்தாலி பாதுகாப்பு அமைச்சகம் கூறியுள்ளது.
