கிளிநொச்சியில் உள்ள குடியிருப்புகளின் மீது சிறிலங்க விமானங்கள் நடத்திய குண்டுவீச்சுத் தாக்குதலில் ஒருவர் கொல்லப்பட்டுள்ளதுடன், 7 பேர் காயமடைந்துள்ளனர்.
கிளிநொச்சியில் இரத்தினபுரம் என்ற இடத்தில் குடியிருப்புகளின் மீது இன்று (சனிக்கிழமை) பிற்பகல் 12:10 மணியளவில் சிறிலங்க விமானப்படையின் மிக்-27 விமானங்கள் குண்டுகளை வீசியுள்ளன என்று புதினம் இணைய தளம் தெரிவிக்கிறது.
இந்தத் தாக்குதலில் வீதியில் நடந்து சென்றுகொண்டிருந்த ஒருவர் கொல்லப்பட்டுள்ளதுடன் 7 பேர் காயமடைந்துள்ளனர். மேலும் 13 வீடுகள் முற்றிலும் சேதமடைந்துள்ளன.
