ஈராக்கில் பெண் மனித வெடிகுண்டு நடத்திய தற்கொலைத் தாக்குதலில் 16 பேர் கொல்லப்பட்டதுடன், 40க்கும் மேற்பட்டவர்கள் படுகாயமடைந்தனர்.
மத்திய ஈராக்கில் உள்ள பகுபாவில் தியால மாகாண ஆளுநரின் தலைமையக வாயில் அருகில் உள்ள காவலர்களைக் குறி வைத்து இத்தாக்குதல் நடத்தப்பட்டுள்ளது.
இத்தாக்குதலில் 8 காவலர்கள், 2 பெண்கள் உள்பட 16 பேர் சம்பவ இடத்திலேயே கொல்லப்பட்டுள்ளனர். மேலும் 40 க்கும் மேற்பட்டவர்கள் படுகாயமடைந்துள்ளனர்.
தாக்குதல் நடந்த இடத்திற்கு அருகிலிருந்த காவல்துறை வாகனங்களும், பொது மக்களின் கடைகளும் கடுமையாகச் சேதமடைந்தன.
