வன்னியில் தமிழீழ விடுதலைப் புலிகளுக்கும் சிறிலங்கப் படையினருக்கும் இடையில் நடந்த கடும் மோதலில் படையினர் 2 பேர் கொல்லப்பட்டதுடன் 16 பேர் படுகாயமடைந்தனர்.
இது தொடர்பாகச் சிறிலங்கப் படைத்தரப்பு தகவலின் அடிப்படையில் புதினம் இணைய தளத்தில் வெளியாகியுள்ள செய்தியில் கூறியிருப்பதாவது:
மணலாறு ஆண்டன்குளம் பகுதியில் நேற்று பிற்பகல் 2.50 மணியளவில் சிறிலங்கப் படையினருக்கும் தமிழீழ விடுதலைப் புலிகளுக்கும் இடையில் நடந்த மோதலில் 3 படையினர் காயமடைந்துள்ளனர்.
மணலாறு கிரிபன்வேவப் பகுதியில் நடந்த மோதலில் படையினர் ஒருவர் கொல்லப்பட்டதுடன் 5 பேர் காயமடைந்தனர்.
இதேபோல ஜனகபுரம் வடக்குப் பகுதியில் நடந்த மோதலில் படையினர் ஒருவர் கொல்லப்பட்டதுடன் 4 பேர் காயமடைந்தனர்.
மேலும், மன்னார் நரிக்குளம், வெட்டுக்குளம், பரப்பாங்கண்டல் பகுதிகளில் நடந்த கடும் மோதலில் படையினர் 4 பேர் காயமடைந்தனர்.
