சிறிலங்கா தலைநகர் கொழும்பில் நடந்த குண்டு வெடிப்பில் ஒருவர் கொல்லப்பட்டதுடன், மாணவர்கள் 4 பேர் காயமடைந்துள்ளனர்.
கொழும்பு வெள்ளவத்தை காலி வீதியில் இன்று காலை 6.55 மணிக்கு பூச்செடிகளுக்குள் மறைத்து வைக்கப்பட்டிருந்த வெடிகுண்டு வெடித்துச் சிதறியது.
இதையடுத்து அப்பகுதியில் சிறப்பு அதிரடிப் படையினரும், காவல்துறையினரும் குவிக்கப்பட்டனர். போக்குவரத்து திருப்பி விடப்பட்டது.
இக்குண்டுவெடிப்பில் ஒருவர் கொல்லப்பட்டதாகவும், 4 பேர் காயமடைந்ததாகவும் வெள்ளவத்தைக் காவல்துறையினர் தெரிவித்தனர். காயமடைந்தவர்கள் பள்ளி மாணவர்கள் என்று தகவல்கள் தெரிவிக்கின்றன.
