ஆசிய, உலக பங்குச் சந்தைகளில் ஏற்பட்ட முன்னேற்றத்தின் தொடர் விளைவாக பங்குச் சந்தை வர்த்தகம் சூடுபிடித்ததையடுத்து மும்பை பங்குச் சந்தை குறியீடு இன்று 14,400 புள்ளிகளைத் தாண்டியது!
நேற்றைய வணிகத்தின் முடிவில் 14,295 புள்ளிகளாக இருந்த மும்பை பங்குச் சந்தை குறியீடு இன்று 143 புள்ளிகள் உயர்ந்து 14,438 புள்ளிகளை எட்டியது.
தேச பங்குச் சந்தை 38 புள்ளிகள் உயர்ந்து 4,252 புள்ளிகளைத் தொட்டது.
ஆனால், பங்குகளின் விற்பனை அதிகரித்ததையடுத்து பிற்பகல் 2 மணி நிலவரப்படி மும்பை பங்குச் சந்தை குறியீடு 14,375 புள்ளிகளாகவும், தேச பங்குச் சந்தை குறியீடு 4,234 புள்ளிகளாகவும் உள்ளது.
குஜராத் அம்புஜா சிமெண்ட், ஐ.சி.ஐ.சி.ஐ. வங்கி, டாட்டா மோட்டார்ஸ், ஹீரோ ஹோண்டா, மாருதி உத்யோக், ரிலையன்ஸ் இன்டஸ்ட்ரீஸ், ஓ.என்.ஜி.சி., பஜாஜ் ஆட்டோ, ரான்பாக்ஸி லெபாரட்ரீஸ் ஏற்றத்தில் உள்ளன.
