தொழில் துறை உற்பத்தி அதிகரிப்பு

தொழில்துறை உற்பத்தி 2.4 விழுக்காடாக அதிகரித்துள்ளது.

சென்ற ஆண்டு நவம்பர் மாதம் தொழில்துறை உற்பத்தி 2.4 விழுக்காடாக அதிகரித்துள்ளது. ( 2007 நவம்ர்4.9% )

கடந்த 15 வருடங்களில் இல்லாத அளவு 2008 அக்டோபரில் தொழில் துறை உற்பத்தி குறைந்தது குறிப்பிடத்தக்கது. அடுத்த மாதத்திலேயே அதிகரித்துள்ளது.

இந்த நிதி ஆண்டின் முதல் 8 மாதங்களில் தொழில் துறை உற்பத்தி 3.9 விழுக்காடாக உள்ளது. ( 2007-08 நிதி ஆண்டில் 9.2% )

தொழில் துறை உற்பத்தி பற்றிய கணகெடுப்பு அட்டவணையில் உற்பத்தி பொருட்களுக்கு 80% மதிப்பீடு கொடுக்கப்படுகிறது. இதன் வளர்ச்சி 2.4% ஆக உள்ளது. இந்த அட்டவணையில் மின் உற்பத்தி 3.1%, தாது பொருட்களின் உற்பத்தி 0.5 விழுக்காடு அதிகரித்துள்ளது.

அதே நேரத்தில் இயந்திரங்கள்-தளவாடங்கள், நுகர்வோர் பொருட்களின் உற்பத்தி குறைந்துள்ளது.

மத்திய அரசு பொருளாதார நெருக்கடியை தீர்க்க சென்ற மாதம் பல சலுகைகளை அறிவித்துள்ளது. இதன் பலன்கள் அடுத்த மாதம் ஏற்பட வாய்ப்பு உள்ளது. எனவே டிசம்பர் மாத தொழில்துறை உற்பத்தி மேலும் அதிகரிக்கும் என்று எதிர்பார்க்கப்படுகிறது.