தேசிய பல்பொருள் முன்பேர சந்தை ஜூலை மாதத்திற்கான கச்சா எண்ணெய் இறுதி விலையை அறிவித்துள்ளது.
நேஷனல் கமோடிட்டி அண்ட் டெரிவேட்டிவ் சந்தையில் ஜூலை மாதத்திற்கான ப்ரண்ட் ரக கச்சா எண்ணெய் விலை 1 பீப்பாய் ரூ.5,789, சுவீட் கச்சா எண்ணெய் விலை ரூ,5,989 என அறிவித்துள்ளது.
தொழிற்சாலைகள் பயன்படுத்தும் பர்னேஷ் ஆயில் (உலை எண்ணெய்) விலை 1 டன் ரூ.34 ஆயிரம் என அறிவித்துள்ளது.
இந்த முன்பேர சந்தையில் சுவீட் கச்சா எண்ணெய் ஒப்பந்தம் ஜூலை 15ஆம் தேதியுடனும், ப்ரண்ட் ரக கச்சா எண்ணெய் ஒப்பந்தம் ஜூலை 17ஆம் தேதியுடன் முடிவடைகிறது.
உடனடியாக விற்பனை செய்யும் கச்சா எண்ணெய் விலை 1 பீப்பாய் ரூ.5,575.57 ஆக விற்பனை செய்யப்பட்டது.
இன்று காலை 11.30 மணியளவில் ஆகஸ்ட் மாதத்திற்கான சுவீட் கச்சா எண்ணெய் விலை 1 பீப்பாய் ரூ.5,619 ஆக இருந்தது.
இந்த முன்பேர சந்தை வெளியிட்டுள்ள செய்திக் குறிப்பில் மேற்கண்ட தகவல்கள் தெரிவிக்கப்பட்டுள்ளன.
