அந்நியச் செலாவணி சந்தையில் இன்று இந்திய ரூபாய்க்கு நிகரான டாலரின் மதிப்பு 5 பைசா அதிகரித்தது.
காலை வர்த்தகம் தொடங்கும் போது 1 டாலர் ரூ. 42.93 / 42.94 என்ற அளவில் இருந்தது.
நேற்றைய இறுதி நிலவரம் 1 டாலர் ரூ. 42.89 / 42.90
உலக சந்தையில் பெட்ரோலிய கச்சா எண்ணெய் விலை அதிகரித்ததாலும், பங்குச் சந்தையின் குறியீட்டு எண்கள் சரிந்ததால், இந்திய ரூபாயின் மதிப்பு குறைந்ததாக வர்த்தகர்கள் தெரிவித்தனர்.
வர்த்தகம் நடக்கும் போது டாலரின் மதிப்பு காலை நிலவரத்தைவிட 3 முதல் 4 பைசா வித்தியாசத்தில் நடந்தது.
இந்திய ரூபாயின் மதிப்பு ரூ.43 என்ற அளவிற்கு சரியாமல் இருக்க ரிசர்வ் வங்கி டாலரை விற்பனை செய்யும் என்று வர்த்தகர்கள் கருதுகின்றனர்.
காலையில் டாலரின் மதிப்பு குறைந்தாலு, வர்த்தகம் நடக்கும் போது 1 டாலர் ரூ. 42.89 / 90 என்ற நேற்றைய இறுதி நிலவரத்திற்கே திரும்பியது.
