மும்பை: வங்கிகளுக்கு இடையிலான அந்நியச் செலவாணி சந்தையில் காலையில் வர்த்தகம் தொடங்கும் போது டாலருக்கு நிகரான இந்திய ரூபாயின் மதிப்பு 29 பைசா அதிகரித்தது.
இன்று வர்த்தகம் தொடங்கும் போது 1 டாலரின் மதிப்பு ரூ.47.35 ஆக இருந்தது. இது நேற்று இறுதி நிலவரத்தை விட 29 பைசா குறைவு.
நேற்று இறுதி விலை 1 டாலர் ரூ.47.64 பைசா.
பல்வேறு நாட்டு அந்நியச் செலவாணிகளுக்கு நிகரான டாலரின் மதிப்பு குறைந்தது. இதனால் இந்திய ரூபாய்க்கு நிகரான டாலரின் மதிப்பு குறைந்ததாக வர்த்தகர்கள் தெரிவித்தனர்.
அந்நியச் செலவாணி சந்தையில் வர்த்தகம் நடக்கும் போது 1 டாலர் ரூ.47.30 முதல் 47.43 என்ற அளவில் விற்பனை ஆனது.
