தங்கம் வெள்ளி விலை சரிவு!

மும்பை தங்கம் வெள்ளி சந்தையில் இன்று காலை பார் வெள்ளியின் விலை கிலோவுக்கு ரூ.440ம், 24 காரட் தங்கத்தின் விலை 10 கிராமுக்கு ரூ.190ம் குறைந்தது.

தங்கம் வெள்ளியை வாங்குவதில் ஆர்வம் காட்டாத காரணத்தினால் விலைகள் குறைந்ததாக வர்த்தகர்கள் தெரிவித்தனர்.


நியுயார்க் சந்தையில் நேற்று தங்கத்தின் விலை 1 அவுன்சுக்கு 4 டாலர் குறைந்தது நேற்று 1 அவுன்ஸ் தங்கத்தின் விலை 890.55 / 891.50 டாலராக குறைந்தது முந்தைய நாள் விலை 894.00 / 896.00 டாலர்.

அமெரிக்க டாலரின் மதிப்பு குறைந்ததாலும், உலக சந்தையில் பெட்ரோலிய கச்சா எண்ணெய் விலை அதிகரித்ததால் இரு வாரங்களுக்கு முன்பு 1 அவுன்ஸ் தங்கத்தின் விலை 908.70 டாலராக அதிகரித்தது நினைவிருக்கலாம்.

அதே நேரத்தில் பார் வெள்ளியின் விலை சிறிது அதிகரித்தது. பார் வெள்ளியின் விலை 1 அவுன்ஸ் 17.06 / 17.16 டாலரில் இருந்து 17.08 / 17.14 டாலராக அதிகரித்தது.


இன்று காலை விலை நிலவரம்:

24 காரட் தங்கம் (10 கிராம்): ரூ.12,420
22 காரட் தங்கம் (10 கிராம்): ரூ.12,365
பார் வெள்ளி (ஒரு கிலோ): ரூ.24,280.