பங்குச் சந்தைகளில் ஏற்ற இறக்கம்!

மும்பை, தேசிய பங்குச் சந்தைகளில் காலையில் வர்த்தகம் தொடங்கும் போது குறியீட்டு எண்கள் அதிகரித்தன.

காலையில் வர்த்தகம் தொடங்கும் போது சென்செக்ஸ் 71.46 புள்ளி அதிகரித்து குறியீட்டு எண் 17,449.91 ஆக உயர்ந்தது.

இதே போல் நிஃப்டி 29 புள்ளி அதிகரித்து குறியீட்டு எண் 5,224.50 ஆக உயர்ந்தது.

ஆனால் வர்த்தகம் தொடங்கியதில் இருந்து இரண்டு பங்குச் சந்தைகளிலும், எல்லா பிரிவு குறியீட்டு எண்களும் ஏற்ற இறக்கத்துடன் உள்ளன.

காலை 10.30 மணி நிலவரப்படி மும்பை பங்குச் சந்தையின் சென்செக்ஸ் 50.97 புள்ளி அதிகரித்து குறியீட்டு எண் 17,429.43 ஆக இருந்தது.

தேசிய பங்குச் சந்தையின் நிஃப்டி 22.95 புள்ளி அதிகரித்து குறியீட்டு எண் 5218.45 ஆக இருந்தது.

மும்பை பங்குச் சந்தையின் மிட் கேப் 60.48, பி.எஸ்.இ. 500- 40.16, சுமால் கேப் 78.28 புள்ளிகள் அதிகரித்தது.

இரண்டு பங்குச் சந்தைகளிலும் சென்செக்ஸ், நிஃப்டி உட்பட எல்லா பிரிவு குறியீட்டு எண்களிலும் ஏற்ற இறக்கம் காணப்படுகின்றன.

மும்பை பங்குச் சந்தையில் 1349 பங்குகளின் விலைகள் அதிகரித்து இருந்தது. 687 பங்குகளின் விலைகள் குறைந்து இருந்தன. 43 பங்குகளின் விலைகளில் எவ்வித மாற்றமும் இல்லை.

நேற்று நடந்த வர்த்தகத்தில் அந்நிய முதலீட்டு நிறுவனங்கள் ரூ.3,929.73 கோடி மதிப்புள்ள பங்குகளை வாங்கின. இவை ரூ.3,691.55 கோடி மதிப்புள்ள பங்குகளை விற்பனை செய்தன. இவை நிகரமாக ரூ.232.18 கோடி மதிப்புள்ள பங்குகளை வாங்கியுள்ளன.

உள்நாட்டு முதலீட்டு நிறுவனங்கள் ரூ.1,709.41 கோடி மதிப்புள்ள பங்குகளை வாங்கின. இவை ரூ.1,306.41 கோடி மதிப்புள்ள பங்குகளை விற்பனை செய்துள்ளன. நிகரமாக ரூ.403.27 கோடி மதிப்புள்ள பங்குகளை வாங்கியுள்ளன.

அமெரிக்க பங்குச் சந்தையில் நேற்று நடந்த வர்த்தகத்தில் டோவ் ஜோன்ஸ் 39.81 புள்ளி குறைந்தது. அதே நேரத்தில் நாஸ்டாக் 1.70 புள்ளி அதிகரித்தது.

ஐரோப்பிய பங்குச் சந்தைகளில் நேற்று நடந்த வர்த்தகத்தில் குறியீட்டு எண்கள் குறைந்தன.

ஆசிய நாட்டு பங்குச் சந்தைகளில், சில பங்குச் சந்தைகளில் குறியீட்டு எண்கள் உயர்ந்தும், சிலவற்றில் சரிந்தும் இருந்தன.

தென் கொரியாவின் சியோல் காம்போசிட் 7.36, சிங்கப்பூரின் ஸ்டெய்ர்ட் டைம்ஸ் 5.91, சீனாவின் சாங்காய் காம்போசிட் 300.25 புள்ளி அதிகரித்து இருந்தன. ஆனால் ஜப்பானின் நிக்கி 22.56, ஹாங்காங்கின் ஹாங்செங் 46.95 புள்ளிகள் குறைந்தன.