பங்குச் சந்தைகளில் ஏற்ற இறக்கம்!

பங்குச் சந்தைகளில் காலையில் வர்த்தகம் தொடங்கும் போதே இரண்டு பங்குச் சந்தைகளிலும் குறைந்திருந்த குறியீட்டு எண்கள், அடுத்த பத்து நிமிடத்தில் உயர துவங்கின.

நேற்று பங்குகளின் விலை அதிக அளவு குறைந்தது. இதனால் சிறு முதலீட்டாளர்கள் பங்குகளை வாங்குவதில் ஆர்வம் காண்பித்தனர்.

இதனால் சென்செக்ஸ் 30.85 புள்ளிகளும், நிஃப்டி 23.75 புள்ளிகளும் அதிகரித்தன.

ரிலையன்ஸ் இன்டஸ்டிரிஸ், இன்போசியஸ், டாடா ஸ்டீல் ஆகிய பங்குகளை வாங்குவதில் சிறு முதலீட்டாளர்கள் ஆர்வம் காண்பித்தனர்.

காலையில் இருந்து அதிக ஏற்ற இறக்கத்துடன் இருந்த பங்கு விலைகள், 11 மணியளவில் குறைய துவங்கியது.

காலை 11.45 மணி நிலவரப்படி மும்பை பங்குச் சந்தையின் சென்செக்ஸ் 44.44 புள்ளிகள் குறைந்து குறியீட்டு எண் 16,295.45 ஆக குறைந்தது.

இதே போல் தேசிய பங்குச் சந்தையின் நிஃப்டி 9.95 புள்ளிகள் குறைந்து குறியீட்டு எண் 4,854.30 ஆக குறைந்தது.

மும்பை பங்குச் சந்தையின் மிட் கேப் 103.58, சுமால் கேப் 167.38, பி.எஸ்.இ. 500-55.40 புள்ளிகள் குறைந்தன.

தேசிய பங்குச் சந்தையில் தகவல் தொழில் நுட்ப பிரிவு தவிர, மற்ற எல்லா பிரிவு குறியீட்டு எண்களும் குறைந்தன.

காலை நடந்த வர்த்தகத்தில் சுமால் கேப், மிட் கேப் பிரிவு பங்குகளின் விலை குறைந்து வருகிறது. வங்கி, ரியல் எஸ்டேட் பங்குகள் அதிக அளவு பாதிக்கப்பட்டன. பங்குச் சந்தையில் தொடர்ந்து பங்கு விலை குறைகின்றது.

முதலீட்டாளர்களின் கவனம் தங்கம், பிளாட்டினம். தாமிரம் போன்ற உலோக சந்தைகளிலும், மற்ற சந்தைகளிலும் திரும்பியுள்ளது.

இதனால் சென்செக்ஸ் 16 ஆயிரம் என்ற அளவிற்கு குறைய வாய்ப்பு இருப்பதாக மார்க்கெட் வட்டாரங்களில் கருத்து நிலவுகிறது.

இன்று இடைவேளைக்கு பிறகும், பங்குகளின் விலை அதிக அளவு ஏற்ற இறக்கம் இருக்கும். ஆனால் உயர்வதற்கு வாய்ப்பு மிக குறைந்த அளவே உள்ளது என வர்த்தகர்கள் கருதுகின்றனர்.

அமெரிக்க பங்குச் சந்தையில் நேற்று டோவ் ஜோன்ஸ் 45.10 புள்ளிகள் குறைந்து இருந்தது. ஆனால் நாஸ்டாக் 1.68 புள்ளிகள் அதகரித்து இருந்தது. எஸ். அண்ட் பி. 500-நேற்று 0.70 புள்ளி அதிகரித்தது

இதே போல் ஆசிய நாட்டு பங்குச் சந்தைகளில் ஹாங்காங்கின் ஹாங்செங் 134.54, ஜப்பானின் நிக்கி 20.22, சிங்கப்பூரின் ஸ்டெய்ர்ட் டைம்ஸ் 10.54 சீனாவின் சாங்காய் காம்போசிட் 203.12 புள்ளிகள் குறைந்து இருந்தன. ஆனால் தென்கொரியாவின் சியோல் காம்போசிட் 0.92 புள்ளிகள் அதிகரித்து இருந்தது.

இன்று இரண்டு பங்குச் சந்தைகளிலும் காலை 11.45 மணி முதல் நண்பகல் 12.30 வரை வர்த்தகம் நிறுத்தப்படும். மீண்டும் 12.30 மணியளவில் வர்த்தகம் தொடங்கி மாலை 4.15 வரை நடைபெறும்.