மும்பை தங்கம், வெள்ளி விலை உயர்வு.

மும்பை தங்கம், வெள்ளி சந்தையில் கடந்த இரண்டு நாட்களாக தங்கம், வெள்ளியின் விலை குறைந்து வந்தது. இன்று நிலைமை மாறியது. காலையில் பார் வெள்ளியின் விலை கிலோவுக்கு ரூ.485-ம், 24 காரட் தங்கத்தின் விலை 10 கிராமுக்கு ரூ.330-ம் அதிகரித்தது.

சர்வதேச சந்தையில் இருந்து வந்த தகவல்களை அடுத்து, தங்கம், வெள்ளியின் விலை மும்பையில் அதிகரித்தது என்று வர்த்தகர்கள் தெரிவித்தனர்.

நியூயார்க் சந்தையில் தங்கத்தின் விலை 1 அவுன்சுக்கு சுமார் 2 டாலர் குறைந்தது. அங்கு 1 அவுன்ஸ் தங்கத்தின் விலை 888/889.50 டாலராக இருந்தது. நேற்றைய விலை 890.30/891 டாலர். வெள்ளியின் விலையில் மாற்றம் இல்லை. 1 அவுன்ஸ் வெள்ளியின் விலை 16.01/16.06 டாலர்.

இன்று காலை விலை நிலவரம்:

24 காரட் தங்கம் 10 கிராம் ரூ.11,435
22 காரட் தங்கம் 10 கிராம் ரூ.11,385
பார் வெள்ளி 1 கிலோ ரூ.20,635