ஆசிரியர் தேர்வு வாரியம் மூலம வேலைவாய்ப்பக பதிவு மூப்பு அடிப்படையில் தெரிவு பெற்றுள்ள பட்டதாரி ஆசிரியர்களில், அறிவியல் பாடத்துக்கான கலந்தாய்வு டிசம்பர் 29ஆம் தேதி தொடங்குகிறது.
பள்ளிக் கல்வித்துறைக்கு தேர்வு பெற்றவர்களுக்கு அறிவியல் பாடத்துக்கான கலந்தாய்வு டிசம்பர் 29, 30 ஆகிய இரண்டு நாட்கள் நடைபெறுகிறது.
திருவல்லிக்கேணி லேடி வெலிங்டன் மகளிர் மேல்நிலைப் பள்ளியில், 29ஆம் தேதி காலை 9 மணி முதல், இயற்பியல் பாடம் (வரிசை எண் 1 முதல் 300 வரை), வேதியியல் பாடம் (1 முதல் 300 வரை) ஆகியவற்றுக்கு கலந்தாய்வு நடைபெறுகிறது.
இதையடுத்து 30ஆம் தேதி இயற்பியல் பாடம் (301-591), வேதியியல் (301-610) ஆகியவற்றுக்கு இதே பள்ளியில் கலந்தாய்வு நடைபெறுகிறது.
சைதாப்பேட்டை அரசு மாதிரி மேல்நிலைப் பள்ளியில் 29ஆம் தேதி தாவரவியல் (1 - 257), விலங்கியல் (1 - 258) ஆகிய பாடங்களுக்கு கலந்தாய்வு நடைபெறுகிறது.
மதுரை மாவட்டத்தில் உள்ள பணியிடங்கள் தவிர மற்ற அனைத்து மாவட்டப் பணியிடங்களுக்கும் கலந்தாய்வு நடைபெறும்.
கலந்தாய்வில் கலந்துகொள்ள வருபவர்கள், சான்றிதழ் சரிபார்ப்புக்கான அழைப்புக் கடிதத்தை கொண்டுவர வேண்டும் என்று தெரிவிக்கப்பட்டு உள்ளது.
