காலையில் இருந்து 5 மாநிலங்களின் தேர்தல் முடிவுகளும் பாஜக வுக்கெ எதிராக வந்துகொண்டிருந்த சூழ்நிலையில் மத்தியப் பிரதேசத்தில் தற்போது பாஜக காங்கிரஸுக்குக் கடும் போட்டிக் கொடுத்து வருகிறது.
ராஜஸ்தான் உள்ளிட்ட 5 மாநிலங்களின் தேர்தல் முடிவுகள் அனைத்தும் பாஜக வுக்கு எதிராக வந்து கொண்டிருக்கின்றன. பாஜக ஆட்சியமைக்கும் என எதிர்பார்க்கப்பட்ட மத்தியப் பிரதேசத்திலும் தனது செல்வாக்கை இழந்துள்ளது. இதனால் கடந்த நாடாளுமன்றத் தேர்தலில் வீசியதாக கூறப்பட்ட மோடி அலை ஓய்ந்து விட்டதாக அரசியல் வல்லுனர்கள் கருத்துத் தெரிவித்துள்ளனர்.
நன்பகல் வரைக் காங்கிரஸ் முன்னிலைப் பெற்று வந்த மத்தியப் பிரதேசத்தில் தற்போது பாஜக காங்கிரஸ் இடையே கடும் போட்டி நிலவி வருகிறது. இரு கட்சிகளும் மாறி மாறி முன்னிலை வகித்து வருகின்றனர். இதனால் அங்கே கடுமையானப் போட்டி நிலவுகிறது.
மொத்தம் 230 தொகுதிகளில் தற்போதைய நிலவரப்படி காங்கிரஸ், பாஜக தலா 110 தொகுதிகளில் முன்னிலை பெற்று சமநிலை வகித்து வருகின்றனர்.
