அனைத்து மாநில பொருட்களும் ஒரே இடத்தில் கிடைக்கும் வளாகம்: நிதி அமைச்சர் நிர்மலா சீதாராமன் அறிவிப்பு!
அனைத்து மாநில பொருள்களும் ஒரே இடத்தில் கிடைக்கும் வகையில் சிறப்பு வணிக வளாகம் அமைக்கப்படும் என மத்திய நிதி அமைச்சர் நிர்மலா சீதாராமன் தெரிவித்துள்ளார்.
தற்போது ஒவ்வொரு மாநிலத்தில் கிடைக்கும் பொருட்களை அந்தந்த மாநிலங்களுக்கு சென்று வாங்க வேண்டிய நிலை இருக்கும் நிலையில் அனைத்து மாநில பொருள்களும் கிடைக்கும் வகையில் ஒவ்வொரு மாநிலத்திலும் சிறப்பு வணிக வளாகம் அமைக்கப்படும் என்றும் அவ்வாறு அமைக்கப்பட்டால் அனைத்து மாநிலங்களிலும் அனைத்து மாநிலங்களின் பொருள்களையும் வாங்கிக் கொள்ளலாம் என்றும் மத்திய நிதி அமைச்சர் நிர்மலா சீதாராமன் தெரிவித்துள்ளார்.
மேலும் நிர்மலா சீதாராமனின் பட்ஜெட்டில் உள்ள முக்கிய அம்சங்களை முக்கிய அம்சங்கள் இதோ;
ரூ.10,000 கோடி முதலீட்டில் பசு மற்றும் அதுசார்ந்த பொருளாதாரங்களை ஊக்குவிக்கும் திட்டம் செயல்படுத்தப்படும்
பெண்களுக்கான புதிய சிறுசேமிப்பு திட்டம் : 7.5% வட்டி விகிதத்தில் பெண்களுக்கான புதிய சிறுசேமிப்பு திட்டம். இந்த திட்டத்தின் மூலம் பெண்கள் 2 ஆண்டுகளில் அதிகப்பட்சமாக 2 லட்சம் வரை சேமிக்கலாம் என நிதி அமைச்சர் நிர்மலா சீதாராமன் அறிவிப்பு
மீனவர்கள் நலம் மற்றும் மேம்பாட்டிற்காக ரூ 6,000 கோடி ஒதுக்கீடு
சுற்றுலாத் துறையை ஊக்குவிக்க தனி செயலி உருவாக்கப்படும்
அடுத்த 3 ஆண்டுகளில் 47 லட்சம் இளைஞர்களுக்கு திறன் வளர்ப்பு பயிற்சி வழங்கப்படும்