நெட்ப்ளிக்ஸின் பிரபலமான மணி ஹெய்ஸ்ட் வெளியாகும் செப்டம்பர் 3ம் தேதியை விடுமுறையாக அறிவித்துள்ளது ராஜஸ்தான் ஐ.டி நிறுவனம்.
நெட்ப்ளிக்ஸில் வெளியாகி உலகம் முழுவதும் புகழ்பெற்ற இணைய தொடர் மணி ஹெய்ஸ்ட். நான்கு சீசன்கள் வரை வெளிவந்துள்ள இந்த தொடருக்கு இந்தியாவில் அதிகமான ரசிகர்கள் உருவானதை கண்டு பின்னாளில் தமிழ், தெலுங்கு, இந்தி உள்ளிட்ட மொழிகளிலும் இந்த தொடர் டப்பிங் செய்யப்பட்டு வெளியானது.
அதை தொடர்ந்து தற்போது செப்டம்பர் 3ம் தேதி இந்த தொடரின் இறுதியான 5வது சீசன் வெளியாக உள்ளது எதிர்பார்ப்பை ஏற்படுத்தியுள்ளது. ஐந்தாவது சீசன் நேரடியாக தமிழ், தெலுங்கு, இந்தி மொழிகளிலும் வெளியாகிறது. இந்நிலையில் இந்த தொடரை காண பலரும் போலியாக விடுமுறைக்கு விண்ணப்பிப்பதாக் ராஜஸ்தானை சேர்ந்த ”வெர்வ்லாஜிக்” என்ற நிறுவனம் செப்டம்பர் 3ம் தேதியை ”நெட்பிளிக்ஸ் அண்ட் சில்” என்ற பெயரில் விடுமுறையாக அறிவித்துள்ளது.
