தமாகா வேட்பாளர்கள் அறிவிப்பு..! தூத்துக்குடிக்கு அறிவிப்பு இல்லை..!

மக்களவைத் தோ்தலில் தமிழ் மாநில காங்கிரஸ் கட்சி போட்டியிடும் 3 தொகுதிகளில் 2 தொகுதிகளுக்கான வேட்பாளர்களை அக்கட்சியின் தலைவர் ஜி.கே. வாசன் அறிவித்துள்ளார்.

மக்களவைத் தேர்தல் அடுத்த மாதம் 19 ஆம் தேதி தமிழகத்தில் ஒரே கட்டமாக நடைபெற உள்ளது. இந்த தேர்தலில் பாஜக கூட்டணியில் இடம்பெற்றுள்ள தமிழ் மாநில காங்கிரஸ் கட்சிக்கு ஈரோடு, ஸ்ரீபெரும்புதூர், தூத்துக்குடி ஆகிய 3 தொகுதிகள் ஒதுக்கப்பட்டுள்ளன.

இந்த நிலையில்  2 தொகுதிகளுக்கான வேட்பாளர்களை ஜி.கே. வாசன் அறிவித்துள்ளார். தமிழ் மாநில காங்கிரஸ் கட்சி சார்பில் ஈரோட்டில் விஜயகுமாரும், ஸ்ரீபெரும்புதூரில் வி.என். வேணுகோபாலும் போட்டியிடுகின்றனர். 

தூத்துக்குடி மக்களவைத் தொகுதி வேட்பாளர் மார்ச் 24 ஆம் தேதி அறிவிக்கப்படுவார் என்று ஜி.கே. வாசன் தெரிவித்துள்ளார்.