விஜய் டிவியின் ஜோடி நம்பர் 1 சீசன் 3
, வியாழன், 17 ஜூலை 2008 (13:52 IST)
விஜய் டிவியின் ஜோடி நம்பர் 1 நிகழ்ச்சி மீண்டும் பிரம்மாண்டமாக ஜூலை 18 முதல் ஜோடி No.1 சீசன் 3 என்ற பெயரில் ரசிகர்களைக் கலக்க வருகிறது. சின்னத்திரை நட்சத்திரங்கள் பங்குபெறும் ஒரு மாபெரும் நடன போட்டியான இந்த ஜோடி நம்பர் 1 சீசன் 3-ல் ஆட்டமும் பாட்டமும் தான் உயிர் நாடியாக அமைந்திருக்கும்! சீசன் 3 ஜோடியிலும் 8 பிரபல சின்னத்திரை ஜோடிகள் தங்கள் நடனத்திறமையை நிரூபிக்க வருகின்றனர்.
வெங்கட்-நிஷா, கலைசெல்வன் டிங்கு - சந்தோஷி, சரத் சந்திரா - ப்ரீத்தி, மஹேந்திரன் - ஹேமா, நேத்ரன் - அருணா தேவி, சஞ்செய் - பூஜா, பூஜா - ரவீந்திரன் மற்றும் சுஹாசினி - ராஜேஷ் ஆகியோர் இந்த நடன ஜோடிகளாகும்.இந்த ஜோடி நம்பர் ஒன் சீசன் 3 நிகழ்ச்சியில் ஃபிரி ஸ்டைல், வெஸ்டெர்ன், கருப்பு-வெள்ளை, காதல், பிற மொழி போன்ற பல புதுமையான வேறுபட்ட சுற்றுக்கள் அறிமுகப்படுத்தப்படுகின்றன. இதோடு அழகில் முதலிடம் வகிக்கும் எழில்மிகு கேரள மாநிலத்தில் இறுதி சுற்று நடைபெற ஏற்பாடு செய்யப்பட்டுள்ளது.ஜோடி நம்பர் 1 நடன நிகழ்ச்சியில் இம்முறை நீதிபதிகளாக வருபவர்கள் அறிவிக்கப்படாமல் ரசிகர்களின் ஆவலைத் தூண்டியுள்ளனர்.
ஜோடி நம்பர் 1 நடன நிகழ்ச்சி, இரண்டு சீசன்களைக் கடந்து மூன்றாவது சீசனில் மும்மடங்கு வெற்றியடையும் என்பதில் எந்த சந்தேகமும் இல்லை என விஜய் டிவியின் தலைமைப் பொறுப்பில் இருக்கும் திரு.கே ஸ்ரீராம் கூறுகிறார்.
புத்தம் புதிய ஜோடிகளுடன் பிரம்மாண்டமாக அமைக்கப்பட்ட அரங்கில் ஜோடி நம்பர் ஒன் சீசன் 3 நிகழ்ச்சி வரும் ஜூலை 18 முதல் வெள்ளி மற்றும் சனிக்கிழமைகளில் இரவு 8 மணிக்கு விஜய் டிவியில் ஒளிபரப்பாகிறது.
