ஆங்கிலத்தில் எந்திரன்

ரஜினியின் பெயர் இந்தியாவுக்கு வெளியேயும் பிரபலம். ஜப்பானில் ரஜினியின் படங்கள் நூறு நாட்கள் ஓடுவது சாதாரண நிகழ்வாகிவிட்டது.

சந்திரமுகி தென் ஆப்பிரிக்காவில் நூறு நாட்கள் ஓடி சாதனை படைத்தது. சிவாஜி வெளிநாடுகளில் ஏற்படுத்திய வசூல் சாதனை நம்ப முடியாதது. யு.கே. டாப் டென்னில் இடம் பிடித்து தமிழின் பெருமையை உலகறிய செய்தது சிவாஜி.

எந்திரன் சிவாஜியை போல கதையிலும், பிரமாண்டத்திலும் பல மடங்கு பெரிய படம். எந்திர மனிதனைப் பற்றிய படம் என்பதால் ஹாலிவுட்டிலும் படத்தை வெளியிட திட்டமிட்டுள்ளனர்.

ஆங்கில சப் டைட்டிலுடன் அமெரிக்காவில் படத்தை வெளியிடுவதற்கான பூர்வாங்க வேலைகளில் இப்போதே இறங்கியுள்ளது, சன் பிக்சர்ஸ் நிறுவனம்.

ஹெச்பிஓ நிறுவனத்துடன் இதற்கான பேச்சுவார்த்தையை சன் பிக்சர்ஸ் தொடங்கி உள்ளதாக நம்பத் தகுந்த வட்டாரங்கள் தெரிவிக்கின்றன.