மிகுந்த பொருட் செலவில் தயாராகி வருகிறது சுசி. கணேசனின் கந்தசாமி. படத்தை அடுத்த வருடம் பிப்ரவரியிலாவது வெளியிட வேண்டும் என்ற முனைப்பில் பம்பரமாக சுழல்கிறது மொத்த யூனிட்டும். போஸ்ட் புரொடக்சன் வேலைகள் தொடங்கிவிட்ட நிலையில் ஒரேயொரு பாடல் காட்சி மட்டுமே இனி எடுக்கப்பட வேண்டும்.
கந்தசாமியில் அதிக அளவில் கிராஃபிக்ஸ் காட்சிகள் இடம்பெறுகிறது. அதற்கே பல வாரங்கள் ஆகும் என்கிறார்கள். படத்தின் பட்ஜெட்டில் கணிசமான பகுதி கிராஃபிக்ஸுக்கு ஒதுக்கப்பட்டுள்ளது.
அதேபோல் விஷ்ணுவர்தனின் சர்வம் படத்தின் கிராஃபிக்ஸ் வேலைகளும் தற்போது நடைபெற்று வருகிறது. படத்தை ரிச்சாக காண்பிக்க பாடல் காட்சிகளை கிராஃபிக்ஸ் உதவியுடன் மெருகேற்றுகிறார்கள்.
நிஜம் எது, கிராஃபிக்ஸ் எது என்பதை கண்டுபிடிக்க முடியாத அளவுக்கு உள்ளூரிலேயே சிறப்பான முறையில் கிராஃபிக்ஸ் அமைக்க முடியும் என்பதால், மினிமம் பட்ஜெட் இயக்குனர்களும் கிராஃபிக்ஸில் ஆர்வம் காட்டுகின்றனர்.
