சிவாஜி பிலிம்ஸ் தயாரிக்கும் படத்திலிருந்து கௌதம் விலகியதைத் தொடர்ந்து, அஜித்தின் 49 வது படத்தை யார் இயக்குவது என்ற குழப்பம் நிலவுகிறது.
இயக்குனர் தரணி, சிவாஜி பிலிம்ஸுக்கு படம் பண்ணுவதாக இருந்தது. கௌதம் விலகியதால் அஜித்தை அவர் இயக்குவார் என எதிர்பார்க்கப்பட்டது. ஆனால் தரணி, விக்ரம் நடிக்கும் படத்தை இயக்குவது உறுதியாகியிருக்கிறது. அதனால் அவர் அஜித் நடிக்கும் படத்தை இயக்கப் போவதில்லை.
இதனால் சர்வம் படத்தை இயக்கிவரும் விஷ்ணுவர்தன் அஜித் நடிக்கும் படத்தை இயக்கலாம் என கூறப்படுகிறது.
விரைவில் சிவாஜி பிலிம்ஸ், அஜித் படத்தை இயக்கப் போவது யார் என்பதை அறிவிக்கும் என எதிர்பார்க்கப்படுகிறது.
