நவ.28 எல்லாம் அவன் செயல்!

ஷாஜி கைலாஷ் மலையாளத்தில் இயக்கிய, சிந்தாமணி கொல கேஸ் படத்தின் தமிழ் ரீ-மேக், எல்லாம் அவன் செயல். ஷாஜி கைலாஷே இயக்கியுள்ளார். சுரேஷ் கோபி நடித்த வேடத்தில் ஆர்.கே.யும் பாவனா வேடத்தில் மலையாள நடிகை பாமாவும் நடித்துள்ளனர்.

சென்சாரில் இப்படத்துக்கு U/A சான்றிதழ் வழங்கப்பட்டுள்ளது. வித்யாசாகர் படத்துக்கு இசையமைத்துள்ளார்.

பூ, வெண்ணிலா கபடிக் குழு ஆகியவை வெளியாகும் நவ.28, ஷாஜி கைலாஷின் எல்லாம் அவன் செயலும் வெளியாகிறது.

தவறு செய்கிறவர்களை சட்டத்திடமிருந்து காப்பாற்றி, தனது கையால் கொலை செய்யும் வழக்கறிஞராக இதில் ஆர்.கே. நடித்துள்ளார்.

இந்தப் படத்தை இந்தியில் ஜட்ஜ்மெண்ட் என்ற பெயரில் சன்னி தியோலை வைத்து இயக்குகிறார் கே.எஸ் அதியமான்.