கார்த்தீகை படத்தில் மாளவிகாவுக்கு பதில் நடிக்கிறார் நிஷா கோத்தாரி. சட்டென்று பெயர் புரிபடாது. சரணின் ஜேஜே படத்தில் நடித்த அமோகா என்றால் உடனே தெரிந்துவிடும்.
அமோகாவை ராம்கோபால் வர்மா இந்தியில் அழைத்துக் கொண்ட பிறகு வைத்த பெயர் நிஷா கோத்தாரி. வர்மாவின் இயக்கத்தில் நடித்த பிறகு இவரது பெயர் பாலிவுட்டில் பிரபலம்.
அமோகாவாக இங்கிருந்து சென்றவர் கார்த்தீகையில் நிஷா கோத்தாரியாக திரும்பி வந்துள்ளார். இந்த இரு பெயர்களும் அவரது நிஜப் பெயர் கிடையாது. சினிமாவுக்காக வைத்த பெயர்கள். நிஜப் பெயர் பிரியங்கா.
இவரது தந்தைக்கு மகள் பெயரை மாற்றியதில் வருத்தம். தந்தையை மகிழ்விக்க தமிழில் மட்டும் பிரியங்கா என்ற பெயரில் நடிக்க உள்ளார் அமோகா என்கிற நிஷா கோத்தாரி என்கிற பிரியங்கா!
ஏற்கனவே 'வெயில்' பிரியங்கா இருக்கும் நிலையில் இவரை கார்த்தீகை பிரியங்கா என்று குறிப்பிட வேண்டிய நிலை. பெயர் மாற்றுவதற்கு அரசு ஏதேனும் தடை விதிக்கலாமே!
