Publish Date: Wed, 21 May 2008 (16:47 IST)
Updated Date: Wed, 21 May 2008 (16:47 IST)
குருவியில் தவறிய வாய்ப்பு நயன்தாராவின் உள்ளங்கையிலேயே வந்தமர்ந்திருக்கிறது. பிரபுதேவா இயக்கத்தில் விஜய் நடிக்கும் புதிய படத்தில் நயன்தான் நாயகி.
அடுத்தடுத்து இரண்டு படங்கள் சுமார் என்பதால் ஊஷாராகிவிட்டார் விஜய். இந்தியில் வெற்றிபெற்ற சோல்ஜர் படத்தின் ரீ-மேன் விஜய்க்கும் தமிழுக்கும் ஏற்றபடி தயாராகிறது.
கஜகஸ்தானில் படப்பிடிப்பு நடத்துவதற்காக பிரபுதேவா லெக்கேஷன் பார்க்க கிளம்பி சென்றுள்ளார். தேவிஸ்ரீ பிரசாத் விஜய்க்கான ஸ்பெஷல் டீயூன்களில் ஏற்கனவே பிஸி. தசாவதாரத்திற்குப் பிறகு மாஸ்கோவின் காவிரி படத்தை இயக்கிவரும் ரவிவர்மன்தான் கேமரா.
தொழில்நுட்பக் கலைஞர்கள் தயார். பெயர்தான் முடிவாகவில்லை. சிங்கம் டைட்டிலுக்கு ஹரி சொந்தம் கொண்டாடுவதால் சிங்கம் மாதிரி உறுமலான வேறு பெயரை தேடி வருகிறார்கள்.
