"
ஒரு அண்ணன் - தங்கை கதை வச்சிருக்கேன்" இப்படி எந்த ஒரு டைரக்டராவது இப்போது சொன்னால் போதும், பின்னங்கால் பிடறியில் அடிக்க தயாரிப்பாளர் கூட்டம் ஓடிவிடும்.
ஆனால் நம்ம மீரா ஜாஸ்மினோ அண்ணன்-தங்கை சென்டிமெண்ட் படத்தில் நடிக்கிறேன் என்கிறார் கூலாக. ஆனால் தமிழில் இல்லை. தெலுங்கில் 'கோரிண்டகு' என்ற படம் வெளிவரவுள்ளது. இதில்தான் மீரா பாசமிகு தங்கையாக வேடமேற்கிறார்.
அண்ணன் யாரென்று யூகிக்க முடிந்தால் உங்களுக்கு நீங்களே ஒரு சபாஷ் போட்டுக்கொள்ளலாம். டாக்டர் ராஜசேகர்தான் அண்ணன். இந்த அண்ணன் தங்கைப் பாசத்தை பிரிக்க நினைப்பது காதல். மீராவின் காதலன் வென்றாரா? அண்ணனின் பாசம் வென்றதா? என்பதுதான் கதை.
"தமிழ், தெலுங்கு படங்களில் ஆபாசமாக நான் நடிப்பதாகச் சொல்கிறார்கள். இந்த ஆசாபாசமான படம் வரட்டும், அப்புறம் பேசிக்கிறேன்" என்கிறார் மீரா. கன்னடத்தின் அண்ணன்-தங்கை ரீமேக்கான இந்தப் படம் தமிழில் வெளிவர வாய்ப்புகள் அதிகமுண்டு.
