சரண்யா மகேஷ் மற்றும் சிலர் என்றுதான் இயக்குனர் ராஜேஷ் எம். பெயர் வைத்தார். இதே பெயரை வேறொருவர் தனது படத்துக்கு வைக்க, குழப்பம் வேண்டாம் என்று 'சிவா மனசுல சக்தி' என்று பெயரை மாற்றினார்.
இது பழைய கதை. இதில் ஜீவா ஜோடியாக புனே பிலிம் இன்ஸ்டிட்யூட்டில் படித்த அனுயா என்பவர் நடிக்கிறார். அனுயாவின் நிஜப் பெயர் சக்தி. டைட்டிலுக்குப் பொருத்தமான பெயர்.
ஆனால், அந்தப் பெயர் வேண்டாம் என்று அனுயா என புதுப்பெயர் சூட்டியுள்ளனர். பெயரிலே இவ்வளவு குழப்பம் வைத்திருந்தாலும், படப்பிடிப்பில் குழப்பமே இல்லை.
படத்தின் தொடக்க விழாவை நடத்தும் முன்பே, படத்தின் கிளைமாக்ஸை எடுத்து முடித்து விட்டார்கள்.
சிவா மனசுல சக்தியை விகடன் குழுமத்தை சேர்ந்த விகடன் டாக்கீஸ் தயாரிக்கிறது.
