பருத்திவீரன் படம் வெளியாகி அத்தனை சென்டர்களிலும் பட்டையைக் கிளப்பிக் கொண்டிருக்கிறது. ஹீரோவாக நடித்திருப்பது சூர்யாவின் தம்பி கார்த்தி தான் என்றாலும் படத்தோட வெற்றிக்கு முழு காரணம் இயக்குனர் அமீர் தான் என்பது எல்லாருக்குமே தெரியும்.
ஸோ.. அமீரின் அடுத்த படத்தில் ஹீரோவாக நடிக்கப் போவது யார் என்பது பற்றிய எதிர்பார்ப்பு கோடம்பாக்கத்தில் எக்கச்சக்கமாக இருக்கிறது.
பருத்திவீரன் படம் ரிலீஸாவதற்கு முன்னால் கண்ணபிரான் என்றொரு படம் ஆரம்பிப்பதாக சொல்லியிருந்தார் அமீர். ஹீரோவாக சூர்யா நடிப்பதாக இருந்தது. நடுவில் தயாரிப்பாளருக்கும் இயக்குனருக்குமான பிரச்சினையில் இப்போது சூர்யா இல்லை என்றாகிவிட்டது. அதற்கு பதிலாக கண்ணபிரானில் இப்போது விக்ரம் நடிப்பார் என்று தெரிகிறது.
அதற்கான முதல் கட்ட பேச்சு வார்த்தை முடிந்து விட்டது. இப்போது விக்ரம் நடித்துக் கொண்டிருக்கும் பீமா, அடுத்து சுசி.கணேசன் இயக்கும் கந்தசாமி இரண்டும் முடித்தபிறகு இந்தப் படம் தொடங்கலாம்!
