தலைப்பை பார்த்துவிட்டு சினேகா நடிப்பை விட்டுவிட்டு பைலட் ஆகிவிட்டாரோ என்று யாரும் எண்ண வேண்டாம். மம்முட்டியுடன் ஜோடி சேர்ந்து அவர் நடிக்கவிருக்கும் புதிய படம் ஒன்றில் அவர் பைலட் வேடமேற்கிறார்.
"பள்ளிக்கூடம்", "நான் அவனில்லை" படங்களைத் தொடர்ந்து சிநேகா புதிய படம் ஒன்றில் நடிக்க ஒப்பந்தமாகியிருக்கிறார். இந்தப் படத்தில் அவர் மம்முட்டிக்கு ஜோடியாக நடிக்கிறார். திறமைசாலியான பெண்மணி வேடத்தில் நடிக்க வேண்டும் என்ற தனது நீண்ட நாளைய விருப்பம் நிறைவேறியிருப்பதாக கூறுகிறார் சினேகா.
பங்கஜ் புரோடக்ஷன்ஸ் சார்பில் தமிழ் மற்றும் மலையாளத்தில் தயாராகவுள்ள இப்படத்திற்கு "வந்தே மாதரம்" என்று பெயரிடப்பட்டுள்ளது.
இந்தப் படத்தில் நடிக்க வாய்ப்பு கிட்டிய பிறகு பெண் பைலட்களின் நடை, உடை, பாவனைகளை கவனிக்கத் தொடங்கியிருக்கிறாராம் சினேகா.
