ஆப்கானிஸ்தானில் தாலிபான் தீவிரவாதிகளில் ஒருவர் அதிபர் மாளிகையில் நடனமாடிய வீடியோ தற்போது வைரலாகி வருகிறது.
கடந்த இரண்டு நாட்களாக ஆப்கானிஸ்தான் தலைநகர் காபூல் உள்பட நாடு முழுவதுமே தாலிபான்கள் கட்டுப்பாட்டுக்குள் வந்து உள்ளதால் பொதுமக்கள் பெரும் அச்சம் கொண்டுள்ளனர்.
குறிப்பாக பெண்கள் மற்றும் குழந்தைகளுக்கு கடும் கட்டுப்பாடுகள் விதிக்க வாய்ப்பு இருப்பதாக கூறப்படுவதால் நாட்டிலிருந்து வெளியேறி வருகின்றனர் என்பதும் இதனால் விமான நிலையத்தில் கட்டுக்கடங்காத கூட்டம் இருந்து வருகிறது என்பதும் குறிப்பிடத்தக்கது.
இதனிடையே ஆப்கானிஸ்தானில் தாலிபான் தீவிரவாதிகளில் ஒருவர் அதிபர் மாளிகையில் நடனமாடிய வீடியோ தற்போது வைரலாகி வருகிறது. பெரும்பாலான இடங்களை கைப்பற்றிய தாலிபான்கள் தலைநகர் காபூலை தங்கல் வசப்படுத்தினர்.
பின்னர் ஆட்சி மாற்றம் வந்ததாக கூறிய அவர்கள் அதிபர் மாளிகைக்குள் புகுந்தனர். அதில் ஒருவர் அதிபர் மாளிகையில் ஆட்டம் போட்டது இணையத்தில் வைரலாகி வருகிறது.
