சினிமா தியேட்டர், உணவகம், இன்னும் பல..! –விண்வெளியில் பிரம்மாண்ட ஹோட்டல்!

அமெரிக்காவின் ஆர்பிட்டல் நிறுவனம் விண்வெளியில் உருவாக்கி வரும் பிரம்மாண்டமான ஹோட்டல் 2025ல் முழுமையடையும் என தெரிவிக்கப்பட்டுள்ளது.

விண்வெளி அறிவியலில் பல்வேறு நாடுகளும் பெரும் முன்னேற்றத்தை அடைந்துள்ள நிலையில் மனிதன் விண்வெளிக்கு சென்றதை ஆச்சர்யமாக பார்த்த நாட்களை தாண்டி விண்வெளியில் ஹோட்டலே கட்டத் தொடங்கிவிட்டார்கள். அமெரிக்காவின் ஆர்ப்பிட்டல் அசெம்பளி கார்ப்பரேஷன் என்ற தனியார் விண்வெளி நிறுவனம் வோயேஜர் ஸ்டேஷன் என்ற தங்கும் ஹோட்டல் விண்கலத்தை தயாரித்து வருகிறது.

சினிமா திரையரங்குகள், உணவகங்கள், தங்கும் வசதியுடன் கூடிய இந்த விண்கலத்தில் 400 பேர் வரை தங்க முடியுமாம். இந்த விண்கல ஹோட்டல் கட்டுமான பணிகள் 2025ல் முடிவடையும் என்றும், 2027 முதல் மனிதர்கள் இந்த ஓட்டலுக்கு செல்லலாம் என்றும் அந்நிறுவனம் தெரிவித்துள்ளது.