திமுக செயல்தலைவர் மு.க.ஸ்டாலின் கடந்த இரண்டு நாட்களுக்கு முன்னர் மனைவியுடன் லண்டன் சென்றார் என்பது தெரிந்ததே. மருத்துவ பரிசோதனைக்காக அவர் லண்டன் சென்றதாக கூறப்பட்டது.
இந்த நிலையில் லண்டனில் தற்போது விம்பிள்டன் டென்னிஸ் போட்டிகள் நடைபெற்று வருகிறது. இந்த போட்டியை மு.க.ஸ்டாலின் தனது மனைவியுடன் சென்று ரசித்து பார்த்தார். அந்த சமயம் அதே போட்டியை பார்க்க வந்திருந்த முன்னாள் டென்னிஸ் வீரர் அமிர்தராஜையும் அவர் மரியாதை நிமித்தம் சந்தித்து பேசினார்.
விம்பிள்டென் டென்னிஸ் போட்டியின் இறுதி ஆட்டம் வரும் 15ஆம் தேதி நடைபெறவுள்ளது. இந்த போட்டியையும் ஸ்டாலின் பார்ப்பார் என்று எதிர்பார்க்கப்படுகிறது. லண்டனில் இருந்தாலும் அவ்வப்போது தமிழக அரசியல் நிலவரம் குறித்து அவர் தெரிந்து கொண்டு வருகிறார் என்று திமுக வட்டாரங்கள் கூறுகின்றன
