உலக அளவில் கொரோனா பலி 1 லட்சத்தை தாண்டியுள்ள நிலையில் ஐரோப்பிய நாடுகளில் உயிர்பலி அதிகளவில் உள்ளது.
உலகம் முழுவதும் கொரோனாவால் பலியானோர் எண்ணிக்கை 1 லட்சத்து 14 ஆயிரத்தை தாண்டியுள்ளது. குறிப்பாக மற்ற நாடுகளை விட ஐரோப்பிய நாடுகள் கொரோனாவால் பெரும் பாதிப்புகளை சந்தித்து வருகின்றன.
அதிகபட்சமாக இத்தாலியில் 19 ஆயிரத்திற்கு மேற்பட்ட உயிரிழப்புகளும், ஸ்பெயினில் 17 ஆயிரத்திற்கு அதிகமாகவும், பிரான்ஸில் 14 ஆயிரத்திற்கும் மேற்பட்ட உயிழப்புகளும், இங்கிலாந்து 10 ஆயிரத்திற்கும் மேற்பட்ட உயிரிழப்புகளையும் சந்தித்துள்ளது.
கடந்த சில வாரங்களில் அதிக உயிரிழப்பை சந்தித்த அமெரிக்கா 22 ஆயிரத்திற்கும் மேற்பட்ட உயிரிழப்புகளை சந்தித்துள்ளது. உலகின் மொத்த உயிரிழப்பில் 80 சதவீதம் ஐரோப்பாவில் நிகழ்ந்துள்ளது குறிப்பிடத்தக்கது.
