சீனாவில் பூஹீ என்ற புத்த மத துறவியின் மம்மியை தங்க சிலையாக மாற்றியுள்ளனர்.
சீனாவின் குஹான்சூ நகரில் சாங்க்பூ என்ற ஆலயம் உள்ளது. அதில் பூஹூ என்ற புத்த மத துறவி தன்னுடைய 94 வயது வரை சேவையாற்றி 2012ஆம் ஆண்டு உயிரிழந்தார்.
அவர் புத்த மதத்துக்கு ஆற்றிய சேவையை கவுரவிக்கும் விதமாக அவரது இறந்த உடலை பதப்படுத்தினர். பின்னர் அதை பெரிய ஜாடியில் வைத்தனர். 4 ஆண்டுகள் கழித்து அதை தங்க முலாம் பூசி, ஒரு தங்க சிலையாக மாற்றியுள்ளனர்.
அந்த தங்க சிலையை தற்போது ஆலயத்தில் வைத்துள்ளனர். ஒருவரின் ஞாபமாக சிலை செய்து வைப்பது வழக்கம். ஆனால் அவரது இறந்த உடலையே சிலையாக மாற்றி அவருக்கு மீண்டும் உருவம் கொடுத்ததுடன், உயிரும் கொடுத்துள்ளனர்.
