“சூப்பர் ஹீரோவாக விஜய் நடித்தால்” - வெங்கட் பிரபு டுவிட்

குழந்தைகளுக்கும், இளைஞர்களுக்கும் பிடித்த வகையில் படம் தயாரானால், அந்த படத்தில் நடிகர் விஜய் நடித்தால் சிறப்பாக இருக்கும் என இயக்குநர் வெங்கட் பிரபு கூறியுள்ளார்.

சமூக வலைதளங்களில் நாள்தோறும் ஏராளமான கருத்துக்கணிப்புகள் நடத்தப்படுகின்றன. அந்த வகையில் குழந்தைகள் மற்றும் இளைஞர்களுக்கு பிடித்த வகையில் சூப்பர் ஹீரோ சப்ஜெக்ட் கொண்ட படம் தயாரானால் அதில் எந்த நடிகர் நடித்தால் சிறப்பானதாக இருக்கும் என்று ஒரு கருத்துக்கணிப்பு நடந்தது.  இந்தக் கேள்விக்கு ஆப்ஷன்களாக நடிகர் விஜய், அஜித், விக்ரம், சூர்யா ஜெயம்ரவி, கார்த்தி ஆகியோரின் பெயர்களும் கொடுக்கப்பட்டிருந்தன.

இந்தக் கேள்விக்கு பலரும் பதிலளித்துள்ளனர். இயக்குநர் வெங்கட் பிரபு இந்தக் கேள்வி குறித்து பதில் பதிவிட்டுள்ளார். அதில் “சூப்பர் ஹீரோவாக விஜய் நடித்தால் பக்காவாக இருக்கும்” என்று கூறியுள்ளார்.