சமீபத்தில் கிளப் ஹவுசில் மாநாடு பட ப்ரமோஷனில் கலந்துகொண்ட யுவனிடம் வலிமை பற்றி கேட்டுள்ளனர் ரசிகர்கள்.
நேர்கொண்ட பார்வை வெற்றிக்குப் பின்னர் அஜித் இப்போது வலிமை படத்தில் போலிஸ் அதிகாரியாக நடித்து வருகிறார். இந்த படத்துக்கு அஜித்தின் ஆஸ்தான இசையமைப்பாளரான யுவன் ஷங்கர் ராஜா இசையமைத்து வருகிறார். இந்த படத்தின் படப்பிடிப்பு கோரோனா லாக்டவுனால் தடைபட்டு மீண்டும் தொடங்கி 90 சதவீதம் வரை முடிந்துள்ளது. கொரோனா பரவல் காரணமாக மீதமுள்ள படப்பிடிப்பை நடத்துவதில் தாமதம் ஏற்பட்டுள்ளது.
ஆனாலும் ரசிகர்களுக்காக இதுவரை ஒரு போஸ்டர் கூட வெளியிடாமல் இழுத்தடித்து வருகிறது படக்குழு. அதனால் சென்ற இடமெல்லாம் வலிமை அப்டேட் கேட்டு எதிர்பார்ப்பை வெளிப்படுத்தி வருகின்றனர் ரசிகர்கள். இந்நிலையில் சமீபத்தில் யுவன் ஷங்கர் ராஜா கிளப் ஹவுசில் நடந்த உரையாடலின் போது ரசிகர்களின் எதிர்பார்ப்பை நிறைவு செய்யும் விதமாக ‘வலிமை படத்தில் தாயைப் போற்றும் ஒரு பாடல் இருப்பதாகவும், பட அறிமுக பாடல் மிகச் சிறப்பாக வந்துள்ளதாகவும் கூறியுள்ளார்.
