அஜித் நடிப்பில் ஹெச் வினோத் இயக்கத்தில் உருவாகும் ‘அஜித் 61’ படத்தில் நடித்து வருகிறார்.
அஜித்தின் 61வது படப்பிடிப்பு சமீபத்தில் ஐதராபாத்தில் சிறிய பூஜையுடன் தொடங்கியது. ராமோஜி ராவ் பிலிம் சிட்டியில் சென்னை அண்ணா சாலை போன்ற செட் போடப்பட்டு அதில் படப்பிடிப்பு நடத்தப்பட்டுள்ளது. இந்த படம் ஒரு வங்கிக் கொள்ளை சம்மந்தப்பட்ட படம் என சொல்லப்படுகிறது. இந்நிலையில் தற்போது வங்கி மாதிரி போடப்பட்ட செட்டில்தான் H வினோத் படப்பிடிப்பை நடத்தி வருகிறாராம். இந்த படத்தில் மஞ்சு வாரியர், சமுத்திரக்கனி ஆகியோர் நடிப்பதை அதிகாரப்பூர்வமாக உறுதி செய்துள்ளனர்.
மேலும் பலர் நடித்து வருகின்றனர். அது பற்றிய அறிவிப்பை அவ்வப்போது அவர்களே சமூகவலைதளங்களில் வெளியிட்டு வருகின்றனர். அந்த வகையில் தற்போது பிரபல யுடியூப் பிரபலமான நடிகை புவனேஸ்வரி நடித்துள்ளதை அவரே வெளியிட்டுள்ளார். மேலும் அஜித் மற்றும் மஞ்சு வாரியர் ஆகியோரோடு அவர் எடுத்துக்கொண்ட புகைப்படங்களையும் வெளியிட்டு படக்குழுவுக்கு நன்றி தெரிவித்துள்ளார்.
