சூப்பர் ஸ்டார் ரஜினிகாந்த் பேட்ட படத்தில் நடித்து முடித்த கையோடு, பிரமாண்ட இயக்குனர் சங்கர் இயக்கத்தில் ‘2.0’ படத்தில் நடித்துள்ளார். இதனை ‘லைகா புரொடக்ஷன்’ நிறுவனம் சார்பில் சுபாஷ்கரன் தயாரித்து வருகிறார்.
3டி தொழில்நுட்பத்தில் உருவாகி வரும் இந்தப்படத்தில் எமி ஜாக்ஸன் கதாநாயகியாக நடித்துள்ளார். பிரபல பாலிவுட் நடிகர் அக்ஷய் குமார் வில்லன் வேடத்தில் நடித்துள்ளார். இசைப்புயல் ஏ.ஆர்.ரஹ்மான் இசையமைக்கும் இந்தப் படத்திற்கு, நீரவ் ஷா ஒளிப்பதிவு செய்துள்ளார்.
ஏற்கனவே இதன் டீசர், மேக்கிங் வீடியோக்கள், இரண்டு பாடல்கள், போஸ்டர்கள் வெளியாகி ரசிகர்களிடம் அமோக வரவேற்பைப் பெற்றதுடன் படத்தின் மீதான மிகுந்த எதிர்பார்ப்பையும் ஏற்படுத்தியது.
இந்நிலையில் தற்போது கிடைத்துள்ள தகவலின் படி 2.0 திரைப்படத்தின் ட்ரைலர், நவம்பர் 3-ம் தேதி வெளியாகும் என நம்பத் தகுந்த வட்டாரங்கள் தெரிவிக்கின்றது .
இந்த திரைப்படம் நவம்பர் 29-ம் தேதி வெளியாகும் என அறிவிக்கப்பட்டிருப்பது குறிப்பிடத்தக்கது.
