கமல்ஹாசன் நடிப்பில் ஷங்கர் இயக்கத்தில் உருவாகி வரும் ’இந்தியன் 2’ படம் தொடங்கப்பட்டு நான்கு ஆண்டுகளுக்கு மேலாகியும் இன்னும் ரிலீஸாகவில்லை. படப்பிடிப்புத் தளத்தில் நடந்த விபத்தில் மூன்று பேர் உயிரிழந்ததை அடுத்து படப்பிடிப்பு நிறுத்தப்பட்டது. அந்த பிரச்சனைகளை எல்லாம் கடந்து, தற்போது மீண்டும் தொடங்கி ஷூட்டிங் விறுவிறுப்பாக நடந்து வருகிறது.
இந்த படத்தின் காட்சிகள் விறுவிறுப்பாக படமாக்கப்பட்டு இறுதிக் கட்டத்தை நெருங்கியுள்ளன. ஷூட்டிங் இறுதிக்கட்டத்தில் இருக்கும் நிலையில் அடுத்த ஆண்டு தொடக்கத்தில் ரிலீஸ் ஆகும் என தகவல்கள் வெளியாகின. ஆனால் இப்போது அடுத்த ஆண்டு பின்பகுதியில் ஆகஸ்ட் மாதம் சுதந்திர தின விடுமுறையை முன்னிட்டுதான் ரிலீஸ் ஆக வாய்ப்புள்ளதாக தகவல்கள் வெளியாகியுள்ளன.
இதற்குக் காரணம் படத்தின் வி எஃப் எக்ஸ் காட்சிகளின் பணிகள் முடிவடைய காலதாமதம் ஆகும் என்பதால்தான் என சொல்லப்படுகிறது. வி எஃப் எக்ஸ் பணிகள் முடியவே எதிர்பார்த்ததை விட 6 மாத காலம் அதிகமாக ஆகும் என சொல்லப்படுகிறது.
