'மங்காத்தா' உள்பட பல வெற்றி படங்களில் நடித்த ராய்லட்சுமி தற்போது 'ஜூலி 2' என்ற படத்தில் நடித்துள்ளார். இந்த படத்தின் புகைப்படங்கள், டீசர் ஆகியவை பெரும் பரபரப்பை ஏற்படுத்தியுள்ளது.
இந்த நிலையில் 'ஜூலி 2' படத்தின் புரமோஷன் விழா ஒன்றில் தோனி குறித்த கேள்வி ஒன்றுக்கு 'யார் அந்த தோனி? என்று எதிர்க்கேள்வி கேட்டுள்ளார். பின்னர் மேலும் இதுகுறித்து கூறிய ராய்லட்சுமி, 'தோனிக்கு தற்போது திருமணம் ஆகி குழந்தையும் உள்ளது. சில விஷயங்கள் நாம் எதிர்பார்த்தது போல் நடக்காது. மீண்டும் மீண்டும் அதையே கிளர வேண்டாம்' என்று நிருபர்களை கேட்டுக்கொண்டார் இருப்பினும் தோனியை பார்த்து யார் என்று கேள்வி கேட்ட ராய்லட்சுமிக்கு தோனி ரசிகர்கள் அதிருப்தியை தெரிவித்து வருகின்றனர்.
தோனியும் ராய்லட்சுமியும் முன்னாள் காதலர்கள் என்பதும், பின்னர் காதல் முறிவடைந்து சாக்ஷியை தோனி திருமணம் செய்து கொண்டார் என்பதும் குறிப்பிடத்தக்கது
