சிவகார்த்திகேயனுக்கு வில்லனாக நடிக்கிறாரா விஷால்?

சூரரைப் போற்று திரைப்படத்துக்குப் பிறகு மீண்டும் சூர்யா, சுதா கொங்கரா இயக்கத்தில் ஒரு படத்தில் நடிக்க உள்ளதாக அறிவிக்கப்பட்ட புறநானூறு திரைப்படம் கிடப்பில் போடப்பட்டது. பின்னர் தொடங்கப்படும் என அறிவிக்கப்பட்டாலும் இந்த படத்தில் நடிக்க சூர்யா ஆர்வம் காட்டவிலலை என சொல்லப்பட்டது.

படம் தொடர்பாக சூர்யாவுக்கும் சுதா கொங்கராவுக்கும் இடையில் கதை சம்மந்தமாக ஏற்பட்ட கருத்து வேறுபாடுதான் காரணம் என சொல்லப்படுகிறது. இந்நிலையில் இந்த படத்தை சிவகார்த்திகேயனை வைத்து டான் பிக்சர்ஸ் நிறுவனத்துக்காக சுதா கொங்கரா இயக்க உள்ளதாக சொல்லப்படுகிறது. அது சிவகார்த்திகேயனின் 25 ஆவது படமாக இருக்கும் என சொல்லப்படுகிறது.

இந்த படத்தை இட்லி கடை படத்தைத் தயாரித்து வரும் Dawn pictures நிறுவனம் தயாரிக்க உள்ளதாக சொல்லப்படுகிறது. இந்நிலையில் இந்த படத்தில் வில்லனாக நடிக்க மலையாள நடிகர் நிவின் பாலியிடம் பேச்சுவார்த்தை நடத்தப்படுவதாக சொல்லப்படுகிறது. அதே நேரத்தில் விஷாலிடமும் இது சம்மந்தமாகப் பேச்சுவார்த்தை நடத்தப்படுவதாக சொல்லப்படுகிறது. அவர் நடிக்க சம்மதித்து விட்டதாகவும் ஆனால் அவர் கேட்ட சம்பளம் பெரியத் தொகையாக உள்ளதால் படக்குழு யோசித்து வருவதாகவும் சொல்லப்படுகிறது.