சில ஆண்டுகளாக படத்தயாரிப்பில் ஈடுபடாத சத்யஜோதி பிலிம்ஸ் நிறுவனம் விவேகம் மற்றும் விஸ்வாசம் படங்களுக்குப் பின் இப்போது வரிசையாக படங்களை தயாரித்து வருகிறது. இப்போது தனுஷை வைத்து இரண்டு படங்களை தயாரித்து வரும் சத்யஜோதி நிறுவனம் அடுத்ததாக விஷால் நடிக்கும் படத்தை தயாரிக்க உள்ளதாம்.
இந்த படத்தை ஈட்டி பட இயக்குனர் ரவி அரசு இயக்க உள்ளாராம். ரவி அரசு இந்த கதையை விஜய்க்காக தயார் செய்து வைத்திருந்தாராம். கதையைக் கேட்டு பிடித்துப் போன விஷால் அதில் தானே நடிப்பதாக சொல்லியுள்ளாராம். தற்போது கன்னட படத்தை இயக்கி வரும் ரவி அரசு அடுத்ததாக இந்த படத்தை இயக்குவார் என சொல்லப்படுகிறது.
விரைவில் இந்த படம் குறித்த அறிவிப்பு வெளியாகும் என எதிர்பார்க்கப்படுகிறது. கடந்த சில ஆண்டுகளாக மார்க் ஆண்டனி தவிர்த்து வேறு எந்த உருப்படியான படமும் விஷால் கொடுக்கவில்லை என்பதால் கடந்த ஆறு மாத காலமாக அவர் படங்கள் எதிலும் நடிக்காமல் இருக்கிறார் என்பது குறிப்பிடத்தக்கது.
